Historia Scholastica

In diebus Phacee regis, Teglathphalasar rex Assur ascendit in Israel^{IV Reg. XV}. Et est ambiguum an iste fuerit Phul, vel alius, et vastavit omnem regionem trans Jordanem, et captivas duxit duas tribus et dimidiam, vastansque Galilaeam, de tribu Zabulon et Nephthalim, multos transtulit secum in Assyrios, qui possent dimidiae tribui comparari. Unde saepe legitur quod tres tribus Israel captivaverit, et hoc fuit initium captivitatis decem tribuum. Porro Osee filius Hela interfecit Phacee regem Israel, et regnavit pro eo.