Historia Scholastica

Et transeunte inde Jesu, secuti sunt eum duo caeci clamantes: Fili David, miserere nostri^{Matth. IX}. Cumque venisset domum, id est ad domum suam Nazareth, tetigit oculos eorum, et aperti sunt. Cumque dixisset eis, Videte ne quis sciat, tamen diffamaverunt eum in tota terra illa. Egressis illis obtulerunt ei mutum, daemonium habentem, et ejecto daemone, locutus est mutus^{Luc. XI}. In Graeco tamen melius sonat surdum, quam mutum.