Historia Scholastica

Ad litteram traditur, fuisse paratus lapis ad templi aedificium, nec tamen congrue in eo poni potuit, donec consummato opere in angulo sursum positus est, ita congrue quod mirarentur omnes, nec praeter significationem factum intelligerent. Hic est Christus, qui fundamentum est ita, quod structurae supereminet. Quod cum audissent sacerdotes et Pharisaei voluerunt eum tenere, sed timuerunt turbas^{Matth. XXI}.